Bádminton

O bádminton no Club do Mar leva practicando desde o ano 1968, tempos nos que se xogaba ao aire libre ao non dispor de pavillón e celebrábanse campionatos sociais no espazo que hoxe ocupa o comedor, o que nos converte en pioneiros deste deporte en España, como testemuña a Mención Especial á Sección máis antiga de España, que nos foi outorgada pola Federación Española de Bádminton na Gala do Deporte celebrada en Madrid.

As nosas Escolas Deportivas iniciaron a súa actividade en 1978 e delas saíron infinidade de campións de España e de Galicia.

Na actualidade, o Club do Mar conta con máis de 70 xogadores, repartidos en distintas categorías:

Sub-9
Sub-11
Sub-13
Sub-15
Sub-17
Sub-19
Absoluta
Veteranos

Escolas deportivas

O noso obxectivo principal é formar aos nosos deportistas para que desenvolvan plenamente as súas capacidades físicas, técnicas e tácticas, á vez que fomentamos a responsabilidade e o compañeirismo.

Pretendemos facilitar aos xogadores experiencias que os motiven e ilusionen, a través da participación naqueles campionatos aos que dentro das nosas posibilidades, podemos asistir. Para iso, participamos nas competicións nacionais e autonómicas organizadas pola Federación Española de Bádminton e a Federación Galega de Bádminton.

Nas nosas escolas adestramos a nenos a partir dos 8 anos, que na súa maioría compiten a nivel escolar.

Horarios: Luns, mércores e venres de 18:00 a 20:00h.

Coordinadores das escolas: Rubén Espinosa Caridad e Juan José Amaro Suárez.

Si desexa máis información dos nosos cursos pode solicitala na Secretaría do Club ».